زارت يدي

أطهر جبين ..

زارت يدي بالحب والشوق والذوق ..

  اطهر جبين   بدنيتي  وفي  حياتي ..

برد وسلام ودخت ماودي افوق ..

  حقـقـت  انا  هاليـوم  كل  امنيـاتي ..

...

ناظر كأنه يقول الوقت بيروق ..

  اشـهد  برب  الكون  مادمت ذاتي ..

ومادام فيني روح واحساس واعروق ..

  نذر علي لاعطيك  اجمل  صفاتي ..

...

ياضي هذا الكون يانعمة الشوق ..

  ياللي غدى اسمك عسل في شفاتي ..

حنا سوى احباب عاشق ومعشوق ..

  وانا معك  باخلاص  حتى مماتي ..

...

نامي ولا يهمك بمن كان مخلوق ..

  وماهمني  من قام  يقطع  صلاتي ..

لا تشغلي بالك ترى ربنا فوق ..

  واللي  مقـدر  يوم .... لابـد  ياتي ..

.......

 محمد القرني

26/5/2013م